قال الإعلامي أسامة كمال، مقدم برنامج “مساء dmc”: “عندما نتحدث عن الرئيس عبد الفتاح السيسى، نتحدث عن رئيس هو الطاقة المحركة للمستقبل، رئيس يرى الغد “من غير كتر كلام”.
وأضاف كمال: “الرئيس عنده استعداد يشتغل بأقل عدد من الناس، واستيعاب طموح الشباب، ورؤية تحويل هذا الطموح لواقع حتى يصبح الكل جزء من منظومة كبيرة بتخدّم على بعض”.
وتابع: “عندما يعلن الرئيس السيسى انحيازه للشباب وللغد ولمستقبل معظمنا مش هيكون جزء منه، ينحاز للعلم والابتكار والتكنولوجيا اللى شايف أنها ركيزة أساسية في خطة الدولة للتحول لمجتمع رقمي متكامل”.
واستطرد: “نرى الرئيس في معرض ومؤتمر القاهرة للتكنولوجيا يقدم مبادرات خلاقة كل سنة، فى وسط واحد من أكبر التجمعات التكنولوجية في المنطقة، مما يؤكد أننا أمام رئيس يراهن على المستقبل، يبقى لازم تشوف إنك قدام واقع مختلف وتشوف إن صناعة المستقبل بتبدأ النهارده”.
وقال:”مش هاكرر اللي شوفتوه ع الهوا في زيارة الرئيس، هانقل لكم اللي انا شفته وانتوا ما شفتوهوش في الغالب، شفت وزارات وهيئات بتتسابق في إنها تعرض هي عملت إيه وهتعمل إيه قدام رئيس ذاكرته فولاذية فيستوقف أي وزير أو مسئول ويقول له: “لأ انت قلت كذا في نفس المكان من سنة”، مش مسـألة ذاكرة بس، لكن مسألة اهتمام.. واهتمام بالغ”.
