وجه البريديون إستغاثاتهم من سوء شبكة الانترنت المتخصصة للتواصل وإجراء العمليات البريدية إلى المهندس عصام الصغير رئيس مجلس إدارة الهيئة القومية للبريد عبر صفحاتهم على موقع التواصل الاجتماعي فيس بوك.
وقال البريديون فى ندائهم: “عصام بيه الصغير, كان اصعب يوم من ايام العذاب في عملنا في البريد، يوم يتكرر، وحضرتك عايز ايرادات، وحضرتك عايز سمعة حلوه للبريد، حضرتك عايز اقبال العملاء، حضرتك عايز الناس تقبل علينا، حضرتك عايز الناس تحترمنا، اصلح لنا وللعملاء الشبكة، نرجوك..طلب دائم وملح وفوري”.
وقال ع . أ : “ده كان يوم طويل، وألسنة الناس اطول، من الساعة ٨صباحا حتى الساعة ١٢ ظهرا،ياريت ربنا يصلح الحال”.
وقال ر. أ : “حقيقى كنا اقزام امام العملاء”.
وقالت ن. أ: “والله الشغل ارحم بكتير بدل البهدلة اللى احنا فيها من اللى يسوى واللي مايسواش، كل شهر علي كدة من الشبكة، والله مروحين الساعة 4.5 من المكتب،لنا الله”.
جدير بالذكر أن موظفى البريد بمحافظات عديدة أمس كانوا قد واجهوا صعوبات فى إنجاز عملهم عقب تعطل شبكة الانترنت الخاص بالبريد، ووصل الامر لاعتداء الجمهور عليهم مما أدى إلى مشاجرات عنيفة ببنى سويف، وإصابة أحدهم بالأسكندرية بجرح إستلزم ١٠ غرز لتضميده.. على حد قول ووصف البريديين على صفحاتهم .
