نصائح Cisco Network : الحداية مابتحدفش كتاكيت


عبر صفحتها على موقع التواصل الاجتماعي فيس بوك نصحت Cisco Network مستخدمى شبكات الانترنت اللاسلكي Wifi بعدم الوقوع فى شرك “شبكات الواى فاى المفتوحة”.

وقالت:  لما تلاقى واحد سايب الواى فاى بتاعه مفتوح لأي حد انه يعمل اتصال عليه ويستخدمه .. إعرف كويس إن صاحب الشبكة مش ساذج، علشان انت بدخولك ع الشبكه دي .. بتقع برجليك ف مصيدة هوه عاملها لك .. !

بدخولك على شبكتها سايبها open  هيقدر انه يدخل على جهازك ويحوّل معظم اتصالاتك ال HTTPS لـ HTTP ، بدون ما يظهر لك تحذير من المتصفح عن طريق SSL Strip !.
وكمان هيقدر يسرق Cookies المتصفح لأي جلسه اتصال بينك وبين أي موقع ، وده فى حالة لو انت من اللى بيعملوا اختيار ” Remember me ” اثناء دخولهم ، وساعتها مش هيحتاج باسورد يدخل بيه على حسابك ف المواقع دي .. لانه بقا معاه اللى يوازي الباسوردات دي !.
وهيقدر يستخدم معاك طريقه MITM ويحوّل اتصالاتك ع الشبكه لأي صفحه هو عاوزها، وهيقدر يستخدم معاك طريقه Honypot ويعرف كل المواقع اللى بتفتحها، وخد عندك الباسوردات بالمرة.
 ولو كان فاهم شويتين تلاته .. هيدخل على فولدرات صور جهازك وملفاتك ويسحب اللى عاوز يسحبه !.
 لو فاهم اكتر واكتر .. هيبعتلك تطبيق صغير على موبايلك يظهر كأنه تحديث للموبايل .. واول ما تقبله .. كدا هو يقدر يتحكم ف موبايلك Remotely حتي بعد ما تفصل من شبكته وتتصل علي اي شبكه تانيه , بل ويفتح الكاميرا بتاعتك كمان بدون ما تحس !!!.
– هيقدر يتجسس ع مكالماتك ورسايلك على الواتس أب والفايبر .. وغيره وغيره !! ( حَدِّث ولا حرج ).
معظم الكلام اللى فوق .. ناس كتيره مش هتعرف معناه بس الخلاصه و من الآخر .. لو لقيت شبكه Wi-fi مفتوحه .. فكر ألف مره قبل ما تعمل دخول عليها..الحدايه مبتحدّفش كتاكيت.

www.ict-misr.com
x

‎قد يُعجبك أيضاً

بتقنية إلغاء الضوضاء: سوني تطلق أحدث سماعات الرأس في السوق المصري

www.ict-misr.com

error: Alert: Content is protected !!